سیستمی به‌رگری له‌ش ده‌ورێکی کاریگه‌ر ده‌بینێت له‌ پاراستنی ته‌ندروستی له‌ش، به‌ڵام هه‌ندێک هه‌ڵه‌ له‌ سیستمی خۆراکیدا ده‌بێته‌ هۆی لاوازی بوونی ئه‌م سیستمه‌.


لێره‌دا ئاماژه‌ به‌م خۆراکانه ده‌که‌ین که‌ ده‌بێته‌ هۆی به‌هێز بوونی سیستمی به‌رگری له‌ش:

1ـ برۆکلی: باشترین جۆری سه‌وزه‌یه بۆ ته‌ندروستی که‌ دژه‌ ئۆکسانه‌ و ده‌وڵه‌مه‌نده‌ به‌ ڤیتامینه‌کان‌ و ریشاڵ و کانزانه‌کان و رێگه‌ له‌ شێرپه‌نجه‌ی ریخۆڵه‌ ده‌گرێت و سیستمی به‌رگری له‌ش به‌هێز ده‌کات.

2ـ ‌کێوی: له‌ باشترین جۆری میوه‌کانه‌ که‌ رێژه‌یه‌کی زۆر ڤیتامین C و پۆتاسیۆمی تێدایه‌ و دژه‌ ئۆکسانه‌و رێگه‌ له‌ شێرپه‌نجه‌ ده‌گرێت.


3ـ مۆز: ئه‌م میوه‌ ئاسان هه‌رس ده‌بێت و ده‌وڵمه‌نده‌ به‌ کانزاکان و بۆ ماوه‌یه‌کی زۆر وزه‌ی له‌ش ده‌هێڵێته‌وه‌.


4ـ ماسی: ماسی سه‌له‌مۆن و قزل ئالا و ماکریلا  له‌ باشترین جۆری ماسیه‌ که‌ رێژه‌یه‌کی زۆر ئۆمێگا3 تێدایه‌ که‌ ده‌بێته‌ هۆی چالاکی جه‌سته‌یی.

5ـ سیر: له‌ش له‌ به‌رامبه‌ر نه‌خۆشیه‌کان ده‌پارێزێت و ئه‌نتی بیوتیکی سروشتیه‌ که‌ وه‌ک چه‌کێک کار ده‌کات بۆ به‌هێز کردنی سیستمی به‌رگری له‌ش.

6ـ ته‌ماته‌: به‌های خۆراکی به‌رزه‌ و به‌هۆی بوونی ماده‌ی لایکوبین ده‌بێته‌ هۆی ئازاد کردنی رادیکاڵه‌ ئازاده‌کانی له‌ش و باشترین خۆراکه‌ بۆ چێشت لێنان.


Bookmark and Share