لە ڕۆژانی داهاتوودا پێشانگایەكی گرۆپی لەبەرهەمی هونەرمەندان و نیگاركێشانی كچ و كۆڕ لە  شاری بۆكان دەكرێتەوە.

بەپێی هەواڵەكان، بەهاوكاری هونەرمەندان و نیگاركێشانی كچ و كۆڕ پێشانگایەكی نیگار كێشی لە ژێر ناوی "بەرو ئاسۆی هێڵ"كۆكراوەی بەرهەمەكانیان لەڕێكەوتی 24 ڕەشەممە لە ژێر زەمینی ئۆلەمپێك هەڵكەوتوو لە مەیانی فەرمانداری بكرێتەوە.

بڕیارە لەم پێشانگایە بەرهەمی تابلوكانی چیمەن عەزیزی،فەرزانە فەنایی،ئێلناز مەنیعی، ئەوین مەحەمەدی ئەمی ئازەر، نەسرین ئەمینی، هەروەها ئارش ساڵحزادە، ڕەزا مستەفا پوور، سامان كەیوانی كە بە تیكنیكی كاری چاپی ئامادە كراوە دەخرێتە بەر چاوی بەشدار بووان و هۆگرانی هونەر و نیگار كێشان.

شایانی باسە كە ئەم پێشانگایە بڕیارە لە ڕێكەوتی 24 تا 29 ڕەشەممە هەموو ڕۆژێك لە كاتژمێر 4 تا 8 شەو كراو بێت.


Bookmark and Share